Tun tumah chuan Las Vegas-a la thleng ngai lo, bank rawkna bonra ber tia an sawi, a hnua thihna rapthlak takin a zui tâk chungchang kan ngaithla ho dawn a ni.
Las Vegas “Gamblers Paradise” an tih thin, mi sual tam tak pawhin vanneihna an tawn fuh fona hmunah hian Kum 1998 December ni 21 zanah khan Nupa tuak khat leh an nau, kum 18 mi chu an hnathawhna hmun pan turin an inbuatsaih a. Anni hi Janitor an tih thin, office building vel tih fai hna thawk thin an ni. Chutia an inbuatsaih mawlh mawlh lai chuan Hmai tuam, silai keng, mipa pahnih rawn lang thutin an Nupa Van chhungah chuan an pathumin an nawr lut a, an mit an tuamsak a, an kut an phuarsak bawk. Anmahni man tute chuan Radio kal tlangin hmeichhe pakhat an bia tih an hre thei a, an hnathawh dan te, an thawh hun dar zatte chu an hre chiang hle niin a lang.
#mizo #crimemizo #crime
